波仔回家的第2天

剷晒毛後成隻臘腸狗咁

尋日湊左佢, 帶佢去vet度檢查, 女醫生睇佢d牙齒話佢2個月大左右, 但寵物店話佢5個月wor, 如果2個月咪好大隻, 唔係toy? 唔知又比人呃呀, 已經有人介紹wor , 唉, 依家都無法啦, 唯有睇下佢 日後的成長,

返到屋企, 幾隻小鬼無我想像中咁緊張, 阿B直情睇左2眼就走入睡房瞓, 阿肥就離遠咁望佢, 公關細佬就痴埋個籠度八, 佢地真係門口貓, 之前阿妹剛回家, 佢地已伸手入籠"R" , 反而波仔佢地就唔係好敢, 直情入房食糧都唔肯, 都好, 起碼唔驚佢地"R" 佢

波仔都幾醒架, 食野真係好快, 唔會好似幾隻小鬼攪到我咁勞氣, 不過佢可能好不安, 成日吠, 但我地係佢附近佢就靜下來, 我地一出書房, 佢就吠過不停, 寵物店叫我地唔好理佢2星期, 唔係波仔就會覺得佢一嘈就會有人理佢, 以後好難攪, 但實在太嘈, XX忍唔住入房叫佢唔好嘈, 佢真係唔敢再叫, 淨係行來行去, 反過來我叫佢就唔聽, 唔通我真係天生貓狗奴才? 好驚佢太嘈 d街坊會投訴, 真係要諗下計, 不過佢真係好痴身, 我今朝夜左佢出黎, 我清理狗籠, 佢居然無周圍行, 係咁痴住我

希望佢快d融入我地的大家庭啦
,