Anya Hindmarch Be A Bag

去完旅行返來, 第一時間去接收寶貝袋袋, 雖然比想象中細個, 但真係好正~~~, 等我再影多d靚相, 月尾敗返個大size先, Be A Bag , 等我啦~~~~~~

妹妹的生日會

上星期五係阿媽度為呀Blue攪左個Birthday party, 當然食物除左壽司外, 全都是我母親一手包辦, 佢真的是烹飪高手, 日後失業可以開間小食屋, 揾佢做烹調僱問, haha, 咁快諗定後路tim, 緊係啦, 屋企成竇等我養wor

好好玩的寵物香薰DIY

前晚上第2堂, 係教DIY, 整左 1) 防蝨沖涼液 及 2) 洗耳水, 覺得好似整蛋糕咁, 因為樣樣都要計好份量先mix, 不過狗同貓一定唔可以一齊用, 狗可以加幾滴精油, 貓就要改用花水, 但Miss話就算用花水都有效力, 可能得2個學生, Miss都會盡量迎合我地的要求, 第一堂我要求想 DIY一些冶療金錢癬的mask or cream, 今堂note都有寫, 不過Miss話好快乾, 係堂上唔適合做wor, 叫我自己返屋企做

當晚都買左好多材料, 不過, 好似Miss 講, 第一次咩都無, 所以好多材料用具都要買, 係要買好多同埋用好多錢, 但可以用好多次, 之後就唔會咁肉痛, 我都買成700元材料用品, 仲係有2支同同學share一半, 唔係仲貴呀

尋晚調左個mask, 唔知點解好似好稀咁, 咁岩我之前生癬的位置唔知為何呢2日好痕, 咪搽d試下, 真係幾神奇, 搽左5分鐘左右, 已經唔痕了 ^^, 希望阿妹有效啦, 上堂買左甘油, 原來甘油對主婦手好有用wor, 波仔爸呢排做左貓狗的廚房男, 搞到隻手起左粒野又話痕, 比佢試下用睇下work 唔work啦, 今日食 lunch去左三聯買左本鬼婆寫的 "500 formulas for Aromatherapy", 又可以玩下DIY啦, 不過唔知屋企人肯唔肯做白老鼠呢~~~~

天呀, 多謝你的安排

唔知係咪真冥冥中有安排, 對於我來說, 好多時如果有些事情做錯了, 到一段時間一定會出現一些事情令我知道原來一直犯了錯誤。
一直以來, 都去尋找很多資料, 如何是對貓兒是好的, 一定會去買或去做, 話說之前很多朋友都提及香薰的好處, 可以令動物的行為或情緒有改善, 及有冶療作用, 一知半解的我,心想自己不抗拒, 亦頗喜歡香薰這個玩意, 當然第一時間去買回來一家人分享啦。 仲勁到初時只用爉燭, 繼而便用了2部離子電子香薰機, 精油更加有十幾支, 用2年都未必用完個隻。 使用差不多有數個月, 不過很多時間都忘記去放香薰(現在真是慶幸)
直至最近, 係公司好無聊咁上網, 去搵where有特別一些的精油種類, 被我發現了一間香薰冶療中心心開辦了"寵物香薰", 其實一直都好想報此類course, 但香港暫時仍未普及, 很難找到有中心教授
於是立刻報名, 並可以立刻上堂(因為另一同學一月份已登記, 但唔夠人開唔到班), 所以我說是天意救左我班仔。
一上堂, 我就即刻問老帥貓可以用甚麼精油, Miss 即刻講原來貓係唔可以吸精油, 因為精油濃度係好高, 所以其實都有毒性, 但這些毒性係人類或一些動物吸入後可以分解到, 但貓的肝狀沒有適合的酵素去分解這些毒素, 長期使用會中毒的。想完之後很有喊的衝動,一直以為對佢地好的事情, 原來是害緊佢地, 甚至會奪去他們的生命, Miss話貓只可以用超低濃度的副產品 - 花卉水, 至於狗, 亦不是任何香薰都可以用, 真係好高學問, 用時一定要清楚其成份, 好似"大長今"考官問長今 "好的藥材同有毒藥材點去區分" 答案係無得區分, 好的藥用係錯的地方, 就會變成毒藥, 相反, 有毒藥材用係某上症上, 就會變成好的藥材"

老闆, 你想點呀

呢2日係公司用IP CAM睇佢, 9點幾已見佢瞓係度郁都唔郁, 一到4點就開始發癲, 2邊走呀, 邊走邊吠, 老闆, 你想點呀, 嘈住街坊呀

求求你唔好發癲啦~~~~~~喪波哥, 你已經嘈走晒D貓兄弟啦

大眼B

自從家中多左位百厭星, 好多時間都做左佢阿四, 相對與四小龍相處的時間少左, 影相更加荒廢了好耐, 前2日得悉貓友要一齊訂購Anya be a bag, 簡直係天大喜訊, 一直都好想訂購,但好似無咩合意的照片, 之後一直忙都無時間去搞, 今次仲可以share 郵費, 前晚第一時間返屋企拎起打左入冷宮的canon 400, 捉住臭B同細佬睇下影唔影到合意的照片, 真的很混亂, 得我一個開壇, 一邊影一邊比衰波係咁撲我, 影影下2兄弟又雞飛狗走, 我對腳比個百厭鬼抓到起晒暗花, 無心機再影落去了, 好彩D相好多都OK, 起碼自己滿意啦

愛你地變左害你地

今晚上完第一堂的寵物香薰, 得我同另一同學, 原來我們都是養貓, 所以導師針對貓來授課, 一聽之下, 大件事了, 原來貓係唔可以吸純精油的, 因為精油濃度太高 (任何揮發性都係), 貓的皮膚好薄, 好容易吸收, 長期吸收會累積體內引至中毒, 之前係網上睇到貓主講用香薰有好多好處, 所以就開始使用精油, 更加大件事的是之前天冷, 我將細佬阿B困入睡房, 然後開著香薰機一齊瞓, 中晒招, 不幸中大幸, 是我懶成日唔記得放香薰, 唔係就死多2錢

呢次真係愛佢變成害佢, 我仲有十幾支存貨, 導師話叫我隔離放, 唔好比貓嗅到就得了, 唉~~~~, 剛才佢講貓嗅得多會中毒個剎那, 我真係有D喊的衝動, 好驚貓地已唔多唔少中左毒, 害左佢地

導師話貓只可以用花水這些副產品wor, 唔好浪費左部香薰機, 可以用花水溝水放

波仔大躍進

今日下午波媽約左姊妹出去睇荔枝角4小龍, 睇左其中3個屋苑幾個單位, 很有想搬的衝動, 大大的窗台, 幾隻豬一定好開心, 同埋環境比現在實在差太遠了, 現在心頭選擇是昇悅居及泓景臺, 昇悅居租金較低及間隔較實用, 泓景臺平臺有狗隻活動場, 真的很難決擇, 不過 還有幾個月租約才滿, 可以慢慢考慮

回家很累, 入房休息了一會, 出來波爸報告, 剛才佢出外並沒有困波仔, 回來時見到廁所有大小便, 波仔識自己入竇的廁所, 好開心, 算係一大進步, 波仔, 媽媽鍚晒你~~~~

波仔係我床上痾屎, 好嬲

今朝波仔爸唔知挑起邊條根, 帶佢出去晨運wor, 8點幾都算晨運 =.=", 返黎聽佢講好好笑, 原來早上好多人係裁判處個條山路放狗, 仲係隻隻都大大隻, 狼狗呀 哥基呀咁, 我地隻門口狗從來未見過大狗, 仲一次過見咁多隻, 即刻企係波爸後面唔敢向前行, 全程貼住波爸對鞋, 哈, 佢都有今日

下午, 波爸出外, 我係度上緊網, 一時醒唔起關左房門, 因為波仔依家當左自己係半狗半貓, 跳上床越來越叻, 雙腳一彈就可以上sofa 同床, 但永遠唔識落地, 可能之前剛回家時唔識驚係sofa跳左落地趺痛過啦, 講番呢單, 我對佢立的規舉呢2個地方都係禁地, 佢犯左規不突止, 當我發現佢係床上想抱佢落地之際, 驟然發現有堆poo poo係床上, 之後放返佢入竇, 佢即刻痾尿, 尿佢就忍到, poo poo就唔忍, 唔聽教, 今日下午罰左佢坐監2個鐘, 算仁慈了

波爸返來仲怪我唔怪波仔, 話我比佢上床, 唔關門, 波媽真係命苦, 比隻仔激完, 最埋阿四, 跟住仲要比人責難

日記重開了

好幾個月沒空寫blog, 只為了一隻小鬼支配了我的生活, 呢隻小鬼就是波仔 - mini poodle, 我萬萬估唔到照顧佢比照顧4隻貓豬還了吃力, 直至上星期, 我仍然係日日放工返去就做夜香婆, 佢的破壞力, 可以將佢的活動範圍, 變了一片屎野, 教了2個月, 仍然不懂運用廁所, 無可奈何又要破財搵trainer, 錢真係要比人賺, 自從trainer幫我再set過籠後, 活動範圍細左, 基本上佢只可以係廁所或床, 反而依家識係廁所開大, 但開細就睇心情, 呢排好鍾意係床度痾, 搞到我日日要洗o古o臣 , 不過trainer話教去廁所需要時間, 好似BB咁, 教去廁所都要好長時間啦 何況係動物, 唯有辛苦D啦


好放心的是, 佢同貓貓相處上都幾好, 雖然好多時間都係打埋一團, 但都係玩個隻, 反而阿肥就煩D, 始終對波仔有介心, 波仔一行近,佢就伸瓜趙佢, 搞到波仔都驚佢, 居然怕隻貓多過我, 真係傷心


波仔好驚波爸,可能之前佢做錯野就打佢大聲駡佢, 所以每次波爸在場, 佢就靜如兔子, 郁都唔多敢, 只係用古惑的眼神周圍望, 對住貓媽就慘了, 好似放監咁, 甩繩馬騮周圍走, 跳上床, 跳上sofa, 佢已當自己係一隻貓, 無計啦,日日對住幾隻貓, 下定決心以後要勤d寫blog, 因為太多東西值得記下來, 做一個美好回憶

波仔3個月大的照片